O músico Pablo Díaz e a banda de "Tic-Tac" actuaron na xornada de clausura da Feira das Industrias Culturais Culturgal que se celebrou en Pontevedra. O público, entregado e entusiasmado: cativos e adultos bailaban diante do escenario e seguían as pautas de Pablo e Olga, marcando o ritmo coas mans, cos pés, co corpo enteiro...

"Tic tac, tic tac, o reloxo vai soar.

Tic tac, tic tac, témonos que levantar".

Tralo concerto realizado en Culturgal, que foi patrocinado pola Secretaría Xeral de Política Lingüística, Pablo Díaz e a banda de "Tic-Tac" seguirán percorrendo Galicia. Proximamente, en Gondomar, en Santiago...

(Nota: as tres primeiras fotografías deste artigo pertencen ao Culturgal e o seu autor é Emerson Díaz).