Na xornada inaugural da XV Campaña de Animación á Lectura do Concello de Santiago outra das actividades realizadas foi unha charla de presentación ao profesorado dos máis de 30 centros escolares inscritos: os obxectivos desta edición, o repertorio de contos, a bibliografía relacionada, a visita á exposición de ilustracións e de libros... Xosé Pérez, en representación de KALANDRAKA, e o equipo de animación á lectura formado pola narradora Patricia González e o músico Álex Fente, foron os anfitrións desta visita especial á Galería Sargadelos.
AXENDA DE PRÓXIMAS ACTIVIDADES:
*Para profesorado e público en xeral:
-9 de abril ás 18:30 horas, encontro co ilustrador Federico Delicado, Premio Internacional Compostela de Álbum Ilustrado 2014 coa obra "Ícaro". O lema da súa intervención é O voo do debuxante.
*Abertas ao público:
-11 de abril ás 12:00 horas, sesión aberta de contos e música para as familias. Entrada de balde.
-25 de abril ás 11:30 e ás 12:30 horas, sesións de contos para bebés (0-3 anos) Do berce á lúa. Capacidade limitada. Solicitar reserva no Departamento de Educación do Concello de Santiago ([email protected] - tlf 981 554 400/401).
-9 de maio ás 12:00 horas, sesión de contos, música e sorpresas na clausura da XV Campaña de Animación á Lectura, coa colaboración dos alumnos e alumnas da Escola Municipal de Música.
Contando "Ícaro", de Federico Delicado
Máis de 100 educadores participaron na presentación das actividades desta XV Campaña
"Sacapenas", de Anthony Browne, na adaptación do equipo de animación á lectura de KALANDRAKA
Os bonecos sacapenas, tradicionais de Guatemala, elemento simbólico deste conto
Profesorado de Educación Infantil e Primaria, implicado no cumprimento dos obxectivos desta XV Campaña
Patricia González e Álex Fente, do equipo de animación á lectura, e Xosé Pérez, de KALANDRAKA
"Quen é ese becho?", de Carmen Queralt, outro dos contos para alumnado de Infantil e 1º ciclo de Primaria
A participación do público, fundamental, na sesión de contos e música
O clásico de Andersen, "O patiño feo", ilustrado por Ana Sande, incluído na exposición e no repertorio de contos
A Galería Sargadelos, convertida nun pequeno museo ata o 9 de maio
Os contacontos realízanse no marco dunha exposición de obras de ilustradores de varias nacionalidades
"Cores", unha obra de Leo Lionni, con texto do poeta Antonio Rubio
"Orellas de bolboreta", de Luisa Aguilar e André Neves, título emblemático do catálogo de KALANDRAKA
...Para que o profesorado poida poñer en práctica nas aulas as propostas expostas nesta XV Campaña
