"Non facemos teatro só por divertirnos, senón para serlle útil á sociedade", afirmaron os integrantes do Grupo Chévere na presentación da súa autobiografía "Chévere (1987-2022): 35 anos de acción cultural" na libraría Couceiro de Compostela. Canda Patricia de Lorenzo, Miguel de Lira e Xesús Ron, acompañáronnos a concelleira de Acción Cultural, Mercedes Rosón, e o director da MIT e docente da ESAD, Roberto Pascual.