"Brinca Vai!" preséntase este sábado 17 de maio ás 20:00 horas na Feira do Libro de Lugo.

"Brinca Vai!" xa está nas librarías galegas, agardando lectores que o leven á casa e á escola. Paralelamente ao lanzamento deste libro-disco, tamén se pon en marcha un amplo calendario de concertos de presentación por toda Galicia, coa participación do compositor e intérprete, Paco Nogueiras:

-Sábado 17 de maio ás 20:00 horas, na Feira do Libro de Lugo (Praza Maior).
-Venres 23 de maio ás 18:30 horas, na libraría LIBROS PARA SOÑAR de Vigo (Rúa Triunfo, 1).
-Sábado 24 de maio ás 13:00 horas, na Romaría do CEIP Ana María Diéguez, en Asados (Rianxo).
-Sábado 31 de maio ás 12:00 horas, na Galería Sargadelos de Santiago (clausura da XIV Campaña de Animación á Lectura).
-Domingo 1 de xuño ás 19:00 horas, na Feira do Libro de Vigo (Praza de Compostela).
-Venres 6 de xuño ás 19:00 horas, na Feira do Libro de Ourense.
-Venres 13 de xuño ás 19:00 horas, na Feira do Libro de Ferrol.
-Sábado 19 de xullo ás 19:00 horas, na Feira do Libro de Ribadeo.
-Sábado 26 de xullo ás 19:00 horas, na Feira do Libro de Rianxo.
-Venres 8 de agosto ás 19:00 horas, na Feira do Libro da Coruña.
-Xoves 21 de agosto ás 19:00 horas, na Feira do Libro de Monforte.

Concertos de "Brinca Vai!", con Paco Nogueiras.

Con cada exemplar de "Brinca Vai!" os lectores poden conseguir tamén unha divertida careta de cartón para caracterizarse como o alter-ego de Paco Nogueiras: ese personaxe tan simpático, de gafas e cun chapeu azul enriba da cabeza.

Careta de agasallo con cada exemplar de "Brinca Vai!".

E, a tres días do 17 maio e da celebración do Día das Letras Galegas, está dispoñible na rede o primeiro vídeo musical de "Brinca Vai!", coa canción "Meu o mundo é!". Trátase dun tema moi especial que pon en valor a cantidade de cousas que se poden facer na nosa lingua: ensino, ciencia, arte, literatura, industria... ningún sector está exento de desenvolverse en galego, ningún ámbito da vida cotiá é alleo á posibilidade de realizarse en galego. Porque como di o retrouso:

"En galego falo, en galego sinto,
en galego canto, sabes que non minto.
En galego todo podo facer,
en galego estou no mundo...
Meu o mundo é!
En galego leo, en galego escribo,
en galego bailo, sabes que non minto.
En galego todo podo facer,
en galego estou no mundo...
Meu o mundo é!"

Na gravación deste videoclip interviu Paco Nogueiras coa colaboración de moitos amigos e amigas, entre eles o ilustrador de "Brinca Vai!", David Pintor. Detrás da cámara e na montaxe audiovisual, Sr. Sagüillo, que dirixe todos os vídeos musicais. E o escenario, as rúas, prazas e xardíns da fermosa Boa Vila de Pontevedra.

Gravación do videoclip de "Meu o mundo é!" na praza de Santa María en Pontevedra.

Gravación do videoclip de "Meu o mundo é!" na praza de Santa María en Pontevedra.

Gravación do videoclip de "Meu o mundo é!" na praza de Santa María en Pontevedra.

Gravación do videoclip de "Meu o mundo é!" na Praza do Teucro.

Gravación do videoclip de "Meu o mundo é!" na praza do Teucro de Pontevedra.

Gravación do videoclip de "Meu o mundo é!" na Alameda de Pontevedra.

David Pintor debuxando na Alameda de Pontevedra.

Gravación do videoclip de "Meu o mundo é!" na Alameda de Pontevedra.

Gravación do videoclip de "Meu o mundo é!" na Alameda de Pontevedra.

"Meu o mundo é!", de Paco Nogueiras.