Gelsomino no país dos mentiráns

Gelsomino é un rapaz cunha voz tan potente que pode esnaquizar castelos enteiros só con botar un berro. Coa axuda dun fantástico gato, enfrontarase ao rei do País dos Mentiráns, onde mentir é obrigatorio por lei; onde dicir a verdade supón expoñerse a fortes sancións por orde de quen manda, un antigo pirata que tapa a cabeza cunha perruca laranxa e ao que lle encanta pronunciar discursos dende un balcón. Esta obra, unha das máis imaxinativas e divertidas de Gianni Rodari, vai máis aló da ficción. No trasfondo da historia, escrita na década de 1960, está a era de Mussolini, do fascismo e da resistencia. Ese reino imaxinado por Rodari é tamén tremendamente actual. Nel, a voz ingobernable de Gelsomino é unha metáfora da rebeldía do autor, do seu sentido da xustiza e a prol da transformación social.

As ilustracións de Pablo Otero -acuarelas sobre tea sen imprimar- combinan os trazos xeométricos con figuras corpóreas. Son imaxes que destacan polo seu sentido simbólico, lúdico e rodariano.