Nola sentitzen zara?

Browne, Anthony Traducción: Manu López Gaseni

Asperturik. pozik, triste... Haur-emozioen adierazpenari buruzko albuma da hau, hitz eta irudi xaloetan, jolas kromatiko eta tipografikoetan oinarrituta, txikienak sozializatzeko eta bere buruaz jabetzeko.

Liburu honi esker, txikienek nola sentitzen diren adierazten ikasiko dute, irudi eta hitz samurren bidez: aspertuta, pozik, triste... Testua laburra da eta osagarri bikaina du ilustrazioetan: bertan ikus baitaitezke pertsonaiaren adierazpena eta jarrera, eguneroko elementuez lagundurik –jostailuak, margoak, liburuak…–, kontzeptu bakoitza bere ikus-deskribapenaren bidez finkatuz.

Anthony Browne-k haur-emozioen mundura garamatza, kolore, tamaina eta tipografiekin egiten du jolas: txikitzen edo handitzen diren figurak; uhindun marrak; hitz larriak, xeheak edo etzanak, bakoitzak daraman emozio-edukiaren arabera.

“Nola sentitzen zara?” oraindik irakurtzen ez dakitenentzat eta irakurtzen hasitakoentzako liburua da, nork bere burua ezagutzeko eta sozializatzeko lan bikaina.
Leer más
Leer menos
16,00 €