Non é fácil, pequeno esquío

A primeira vista, podería parecer que con esta proposta literaria e artística os lectores infantís sintan certo desasosego; pero ao igual que lle sucede ao pequeño esquío, os nenos e as nenas perciben dun xeito natural a experiencia da morte. E buscan respostas. A distancia que achega a fantasía resulta básica para axudalos a entender a perda dos seres queridos. Trátase dunha historia entrañable, chea de tenrura e delicadeza, que abre as puertas a un tema profundo e de tratamento necesario, dando suxestións abeertas e tranquilizadoras sobre a continuidade da vida.

O relato de Elisa Ramón aborda o proceso da dó dende o enfado e a ira ata o efecto reparador dunha aperta, o pranto desconsolado, a soidade e a incomprensión; mais tamén a recuperación do equilibrio emocional a través do amor e das lembranzas. Combinando acuarelas, ceras e lapis, as ilustracións sinxelas e tenras de Rosa Osuna destacan polo seu acerto na representación da figura ausente, e na presenza de elementos simbólicos e obxectos que enriquecen a lectura visual.