Un cadro de Velázquez

As páxinas deste libro invitan os lectores a entrar nun dos cadros máis célebres e misteriosos da historia da Arte, situándoos no estudo de Diego Velázquez, no Palacio Real de Madrid en pleno século XVII. Como pintor de cámara, Velázquez realiza un retrato múltiple dos protagonistas da corte: a infanta Margarita no centro da escena, coas súas meninas María Agustina Sarmiento e Isabel Velasco; os seus acompañantes Mari Bárbola e Nicolás de Pertusato; a súa coidadora, Dona Marcela de Ulloa, e o apousentador real, José Nieto, en segundos planos; e reflectidos estratexicamente nun espello, os reis Felipe IV e Mariana de Austria.

O propio Velázquez autorretrátase neste gran lenzo de perspectiva aérea e múltiples planos visuais, que destaca polo tratamento da luz e do contraluz, pola mestría aplicando a técnica do sfumato, e pola capacidade para representar o movemento en vivo, como se dunha una fotografía se tratara.

AS MENINAS data de 1656 e atópase no Museo del Prado, en Madrid.