100 entradas no blog de PALABRAS NO AR (Ilustr. Óscar Villán)

PALABRAS NO AR está de noraboa. Celébrase a ‘entrada’ número 100 deste blog, co que fai un seguemento constante á campaña de dinamización lingüística coa que KALANDRAKA está percorrendo a xeografía galega. E compartimos este logro con toda a comunidade escolar, cos bibliotecarios e libreiros, cos lectores cativos e grandes que visitan a cotío este modesto recuncho da rede. Ogallá haxa cen motivos máis para seguir festexando o achegamento dos nenos e nenas galegos á nosa lingua e á nosa cultura. Moitas grazas por acompañarnos neste fermoso camiño de palabras, músicas e voces.