Boa noite, mocho!

«Boas noites, Bufo!» é un álbum para pre-lectores e primeiros lectores que destaca pola súa estrutura repetitiva e acumulativa. Ao longo do relato vanse aproximando ao protagonista outros animais cuxas voces, durante o día, non lle deixan conciliar o sono. As onomatopeas facilitan familiarizarse cos sons, facendo que o público sexa partícipe da narración do conto. Ademais do achegamento á fauna e ao coñecemento do medio natural, tamén permite o xogo mnemotécnico, polo que se trata dun libro ideal para desenvolver estratexias de lectura. A estes alicientes súmase un inesperado final cheo de humor.

Acorde coa sinxeleza da historia, Pat Hutchins elabora unha proposta gráfica simple e colorista, cun único escenario onde transcorre a acción. A medida que avanzan as páxinas, as pólas dunha árbore vanse poboando dos distintos habitantes do bosque, con cadanseus cantos e ruídos característicos.