Adelaida

Aínda que Adelaida é un canguro diferente, esa cualidade que a distingue dos demais canguros non lle impide perseguir os seus soños, abrirse ao mundo para adquirir experiencias e facer amigos. Este clásico fabulado de Tomi Ungerer trata sobre a identidade, a formación a nivel individual -coa aprendizaje que conleva- e a busca da felicidade. A historia de “Adelaida” está chea de aventuras emocionantes, viaxes nas que coñece lugares interesantes e xente diversa. As circunstancias e situacións ás que se enfronta, a suma de acertos e de erros, conformarán a súa personalidade e nunca esquecerá as súas orixes. Tomi Ungerer sitúa os lectores ante unha serie de escenas sinxelas, suavemente coloreadas, nas que destacan a expresividade da protagonista, a súa sensibilidade pola arte e a súa valentía. Co estilo característico, o autor tamén verte doses de tenrura, humor e amor nas páxinas deste álbum.